162

Tant m'estuet après lui aler,
Que il m'ocirra u jou lui."
„Moult dout, fait ele, vostre anui
Et quant autrement ne puet estre,
Et vous savés ja tout sen estre
Et son errement et sa vie,
Et savés bien qu'il afoiblie
A l'esconsement du soleil,
Se volés croire mon conseil
Ja à lui ne prendrés meslée
Desi que none soit passée."
„Bele, fait il, je vous kerrai
Après none mi combatrai,
Si com vous le m'avés loé.

Toute jor ont issi erré,
Tant qu'il vinrent à une haie,
Et cil qui point ne se delaie,
Qui grant pieca l'avoit passée,
Fu entrés en une valée,
Si que Gavains en ot perdue
Une grand piece la veue,
Et que il ne vit ne ne sot
Quel part li chevaliers errot.
Lors se commenca à haster,
Puis le vit devant lui errer,
Bien loin parmi une campaigne.
Il esgarda aval la plaigne,
Si vit devant lui un castel
Onques si bien clos ne si bel,
Si rice ne si bien assis
N'ot mais veu à son avis;

Lors quida bien de verité
A ce que il ert avespré,
Que li chevaliers qu'il sivoit,
U castel se herbegeroit.

Si vit bien que por nul besoing,
Tant estoit li chevaliers loing,
Ne l'ataindroit il ains l'ostel.
„Vallet, dist il, or n'i a el
Je voi bien que ce chevalier
S'ira ja laiens herbegier,

163

164

165

166

Et nous comment le porron faire?“
Cil qui ert frans et de bon aire
Li respondi:,,Sire, moult bien;
Mar vous esmaïetés de rien,
Tant que je soie sains ne vis.
Cis castiax et tox li païs
Et ceste grant forest fu moie.
A une autre suer que j'avoie,
À un chevalier preu et sage
Donnai trestout en mariage
Et le païs et la contrée
O ma suer qu'il a espousée.

1639. loins. 1679. ruisons.

Si quit bien que cel chevalier
S'ira ja laiens herbegier;
Et nous irons ciès un borgois,
Qui est rice et sage et cortois 167
Qui fu hom mon pere et le mien,
Si nous herbegera moult bien.
Car ce ne seroit mie bel
Que nous aliscons u castel
Por nul besoing prendre l'ostel,
Aveuc vostre anemi mortel."
Va donc, fait il, sans demorer
Faire l'ostel aparellier

168

Que delivre et bel le truisons."
Li vasles fiert des esperons
Le ronci, qui moult tost l'en porte.
Lors vit entrer parmi la porte
Le chevalier, qu'il vont sivant;
Il va les rues trespassant
Tant qu'il est venus au segnor.
,,Cil Dix, fait il, vous doinst honor,
Biax sire, qui por nous sauver
Se laisca en la crois pener."
,,Amis, fait il, et Dix vous gart
Travellié estés, si est tart,
Et je vous ferai sans dangier
En ce castel bien herbegier;
Car bien est tans de prendre ostel.*
"Sire, fait il, je ne quic el,
La vostre tres grande merci!“
Lors est un chevalier sailli
Qui la damoisele descent.
Uns escuiers son ceval prent,
Et doi le courent desarmer.

165

Or mestuet del vallet parler 170 Qui est ciès le bourgois venu, Et quant le bourgois l'a veu, Moult en a grant joie menée: „Sire, fait il, vostre jornée Est parfaite, cou saciés vous. Herbegiés estés à estrox. Ja mar proiier vous en ferés; Demain tout à loisir irés Veoir vostre suer u castel." „Sire, ce dist le damoisel, Je sui herbegiés voirement; Mais or montés delivrement, S'irons encontre un chevalier, Que j'amain caiens herbegier. Si li faités moult grant honor, Que onques son per ne mellor Ne fu nés en toute Bretaigne: Dès les pors dusqu'en Alemaigne N'est nus si bien enteciés;

171

1650. chevalier. 1671. son pere.

Si vous devés faire moult liés De cou que vous est avenue

Si grans joie de sa venue."

Moult en est li ostes joians,

Tantost apele ses sergans,
Si lor commande à atorner
Les seoirs, le fu, le souper
Si delivrement et si bien,

172

C'on nel peüst blasmer de rien.
Puis est montés sor son destrier,
Qu'il ot grant et fort et legier; 173
Si s'en est de la vile iscus.
Et Gavains estoit ja venus
Desi as portes du castel,
Mervelles les apele bel.
Li borgois qui o lui le maine,
En la soie maison demaine,
En el palais le fist descendre.
Il avoit fait tapis estendre
Et coutes pointes u seoir,
Si i mena Gavain seoir.

Devant ex ert le fu moult grant.
Atant acourent li sergant
Por lui desarmer errament;
Mervelles le sert bonement
La damoisele o le cief bloi.
Ore soufrés, fait il, un poi,
Je n'iere encor pas desarmés.
Lors a son vallet apelé:
Amis, fait il, va tost et cour
Là sus amont en cele tour,
Et si fai tant par ton porcas,
Que cil n'ait joie ne soulas
De la pucele que il maine.

174

175

Por moie amor i met grant paine,
Que ta suer anuit mais le gart,
Et si di de la moie part,
Que s'il nel veut acreanter,
Que il n'i a fors du monter;
Car je m'en conbatrai ancois.
C'anuit mais le gart sor mon pois." 176
Li valles vistement i cort.
Alés en erent de la cort
En la sale ù il se seoient,
Et quant li chevalier le voient
Moult par l'ont tout bel apelé,
Et Escanors l'a regardé,
Si l'a moult bien recouneü,
Puis dist: „Mal soiés vous venu,
Sire, fol gars, mesafaitiés,
Ja mais nul jor ne serai bés,
Des que de vous vengiés me soie.
Se hors de caiens vous tenoie,

Je m'en vengeroie moult bien,

177

Ke de m'amie maugré mien Er soir departir me feistes. Segnor, dist il, ainc ne veïstes Si fol garcon, ne si sorfait." Trestout lor a conté le plait Com le soir devant l'ot servi. Et li sire li respondi: "Sire, ja Dix, li fix Marie, Ne vous doinst force ne baillie De lui empirier ne grever. Or laiscons, fait il, cou ester, Qu'il morra encor amés mains." Li valles qui n'ert pas vilains, Li respondi trestout en pais: "Sire, fait il, je n'en puis mais, Se me haés por cest mesfait. Fait il, segnor a il forfait, Je m'en met en vo jugement, Se je fac le commandement Mon segnor Gavain à qui sui, Et encor le ferai je wi, Que ja por lui ne le lairai. Segnor, fait il, je vous dirai Por qoi cest estrif est monté." Lors a de cief en cief conté Comment il prist devant le roi La pucele par son derroi, Et comment Gavains le sivi, Et comment il se combati A l'aversier el cimentire; Onques rien n'i laisca à dire, Com il l'a sivi toute jor. Lors mist à raison le segnor: ,,Sire, fait il, je vous requier Que se vous m'avés de rien cier, Que vous un don me creantois."

178

179

180

Par foi, fait il, ce n'est pas drois 181
Que je de rien vous escondie,
Promis ai jou ja en ma vie
De ce que je puisce aramir,
Bien vous devroie à gré servir,
Qui me dounastes le castel."
„Sire, ce dist le damoisel,
Mesire Gavains me proia
De cele damoisele là,

Que ma suer le gart anuit mais,
Si soit rendue tout en pais
Le matin à cel chevalier,
Et je vous veul forment prover
Que vous issi le faciés faire."
Lors ne se pot Escanors taire,
Qui la parole a entendue:

Veus me tu, dist il, de ma drue

Com er soir faire departir;

182

Mix vauroie orendroit morir,
Que ja mais tant com je vis soie,
Soit en garde fors en la moie.
Sire, dist il, se vous creés
Ce garcon que vous là veés,
Vous en arés honte et anui,
Quant par vostre proiere sui.
Herbegiés en vostre maison;
Se on m'i faisoit se bien non,
Il vous seroit à mal torné."
„Par foi, fait il, c'est verité;
Jou meïsme vous herbegai,
Mais au vallet acreantai,
Que je feroie sa proiiere.
Or ne sai jou en quel maniere
Lequel je doie mix laiscier."
Sire, ce dist le chevalier,
Ce est drois et fine raison,
Que vous gardés de traïson,
Que vous en seriiés retés.
Se de rien i iere grevés
Par vous ne par vostre seü,
Se g'i avoie mal eu,

Vilenie ni enconbrier,

Vous en ariés reprovier

A tox les jors de vostre vie."

Et li sire là li otrie

Et li dist, qu'il soit aseür

Que se c'estoit li rois Artur,

Ni li consentiroit il mie,

Que il li feist vilenie,

183

184

185

186

Tant com il fust en son castel.
„Amis, fait il au damoisel,
Je ne l'en puis pas dessaiscir,
S'il nel veut de son gré soufrir,
Ne je ne doi por nule perte
Faire traïson si aperte
Por vous ne por vostre consel."
„Par foi, fait il, moult me mervel,
Que vous ne faités tout mon buen,
Soit tors soit drois ainsque le suen;
Et puisque faire nel volés,
Li chevaliers est tox armés,
Qui porsuit por la damoisele,
Encor n'osta ne frain ne sele,
Si est là jus ciés un borgois,
Si se conbatera eincois,
K'anuit mais sor son pois le gart,
Et je li di de soie part
C'orendroit remont, si s'atort;
Car ja sera en vostre cort,
Ce saciés vous tout à estrox,
La bataille par devant vous."

1861. pus. 1917. ki se demort.

187

189

Lors court por Gavain à l'ostel Li sire dist: Or n'i a el, Escanors, quant Gavains ca vient, A lui conbatre vous couvient; Mais je vous lo c'autrement aille; Laide seroit ceste bataille Et coustouse, s'ele ert par nuit; Trop seriés coustox, je cuit, Se ne la metés en respit." Et li chevalier li ont dit, Que ce seroit grans vilenie, Il est plus bel qu'il baut s'amie En la garde à la dame wi mais, Et le matin le rait en pais. La dame meïsme l'en prie, Et si li creante et otrie, Que loiaument li gardera, Et le matin le ravera. Creanté l'a à quelque paine; La dame le prent, si l'en maine 19 En sa canbre dedens la tor, Si li a fait moult grant honor Comme de boire et de mengier, Et de bel lit à li coucier. Li ostes qui grant joie en a, Un de ses valles apela: ,,Cor, dist il, si di à Gavain, Qu'il se herbert dusqu'à demain, Que li chevaliers a livrée La damoisele sans mellée

191

195

1884. combatra.

1915. prest dormes,

195

A qui il ot un baing fait faire
Por baignier mon segnor Gavain.
Moult par l'ot bien fait et à plain,
Si qu'il ert ja tout apresté.
Si l'ont en la canbre mené
Si l'ont baignié et costeï.
Moult tres doucement l'a servi
Li suer à l'oste à son pooir,
Et si poés de fi savoir,
Que cele qui l'ot amenée,
S'est de lui servir moult penée.
Quant baigniés fu tot à loisir,
Et il s'en vaut du baing iscir,
Lors li aporte par francise
Li suer à l'oste une cemise
Et unes braies de cainsil

196

Plus blances que n'est flors d'avril.
Quant fu baigniés et atorné,
Dont fu li mengier apresté.
Lors a on l'iave demandée.

A aise lès la ceminée

Est assis mesire Gavain,

Si fist devers sa destre main
Seoir l'oste o la damoisele
Qu'il amena de la capele,

197

De l'autre part devers son coste Fist seoir o la suer son oste Son vallet qu'il aime forment. Puis orent moult plenierement Pain et vin et car et poison Oisiax, rostis et venison Et quanques lor vint à plaisir. Moult les fist l'ostes bien servir A grant joie et à grant deduit. Moult orent grant plenté de fruit. 198 Tantost com il orent mengié Por cou qu'il erent travellié Firent lès le feu son lit faire Je ne vous porroie retraire L'onor que fi bourgois li fist, Que moult durement s'entremist Et cascuns d'ax à son pooir De quanques il porent avoir. Ensi dormi et reposa. Et Escanors s'aparella

199

Au matin quant il fu grant jor,
Ke mout li desplaist le sejor,
Moult li poise que de sa drue
Avoit la saisine perdue
Cele nuit et cele devant.
Vistement l'arma .I. sergant,
Si li mist son frain et sa sele.
Il demanda sa damoisele,
Et la dame li amena.

À Gavain la novele en va,
K'Escanors qui point ne se targe
A ja pendu au col se targe,
Si est pieca hors de la porte
O la pucele qu'il en porte.

200

201

Quant Gavains l'ot, moult li desplest,
Vistement saut sus, si se vest,
Si a ses armes demandées.
Por cou qu'el erent trop usées
Li a li borgois aporté,
Ki moult le veut servir à gré,
Hiaume à visiere de Senlis,
Et hauberc de Canbelt faitis,
Et cauces blances et treslices,
Onques si rices ne veïstes.
Moult fu clere et trencant l'espée
Qui aveuc li fu aportée,

Et li escus noviax et frois,

Et si ert d'un moult rice orfrois
La guige et toutes les enarmes.
Onques Gavains si rices armes 202
N'ot mais veu en son aé.

Un ceval fort et desreé

Roide et isnel et lanceis,
Le mellor de tout le païs,
Li ont amené en la place.

203

Et Gavains dist: „Ja Dix ne place,
Que cest service soit perdu;
Et Dix me doinst force et vertu
Et pooir qu'en tel liu vous truise,
Ke gueredoner le vous puisce,
Que moult m'avés fait grant honor."
„Sire, fait il, je vous honor
Por mon segnor que je ci voi,
Et por cou que je quit et croi,
Que prodome estés et vaillant.
Je ne vous sai aler offrant,
Mais prenés caiens sans dangier
Quanques onques vous est mestier;
Car tout vous met en à bandon."
„Moult a ci, fait il, rice don,
Je ne le vous osaise querre.
Si ne quit que en nule terre
Si grant honor mais faite fust
A home k'on ne counëust;
Et j'en avoie bon mestier.
Mais de l'espée et del destrier
Ne veul je pas, vostre merci.

204

Je l'ai grant et fort et hardi,
Espée dorée trencant.

Moult par est le gueredon grant 205
Que je doi encor del sourplus.
Armer m'estuet, qu'il n'i a plus,
Moult me dout de trop demorer.“
Grant paine ont mis à lui armer
Li vasles et les damoiseles;
Atant furent mises les seles,
Puis ont les cevax amenés.
Mesire Gavains est montés,
Que onques estrier ne requist
Et li vasles son escu prist,
Quant il fu montés, et sa lance.
Li ostes le sert et avance
Qui a la pucele montée,
Qu'il orent o ex amenée.
Si se misent tout à la voie,
Et li bons ostes les convoie,
Tant que il vinrent dusqu'au bois.
Sire, dist il, je m'en revois,

206

208

A Diu soiiés vous commandés."
Lors est Gavains u bos entrés 207
Tout li cemin k'Escanors oirre,
Et il le recounut en oirre,
Ù il aloit baisant s'amie.
Et mesire Gavains li crie,
Que consentir ne li veut plus:
Vassal, fait il, metés la jus,
Trop l'avés longement portée,
Ja plus ne l'arés sans meslée,
Trop en avés esté saisi.“
Et Escanors li respondi:
„N'en blasmés nului se vous non,
Car par saint Lasdre d'Avalon,
Bien m'eüsciés ataint dessier,
Se trop n'est lent vostre destrier;
Car je n'erroie fors le pas.
Mais je ne quit, ne ne croi pas,
Que ja par vous en soit enprise
Vers moi bataille en nule guise.
Je ne vous en Dé pri de rien.
Une cose saciés vous bien,
Que jou tramis de mon païs
La damoisele o le cler vis
Toute seule à le cort le roi,
Puisi alai par grant derroi
Prendre la, voiant maint baron,
Por avoir raisnaule ocoison
De conbatre moi contre vous."
Et Gavains dist: „Ce est l'estrox.
Ja en averés la meslée,
Quant vous tant l'avés desirrée.

La damoisele irée estoit, Et li vallet, por cou qu'il voit, Que la bataille est si matin.

209

210

,,Sire, fait il, en cest cemin
N'ert pas ceste bataille bel.
Je sai près de ci un praël
Et une lande bele et grant,
Si seroit moult plus avenant,
K'i alisciés, s'il vous plaisoit,
Et jel jugeroie par droit
Faire vostre bataille en pré.
Trop vous seroit à mal torné
S'ele estoit ci en ces quarieres,
En ces tais et en ces raiieres."
Escanors dist: „C'est verité,
Il n'ert ja par moi destorné;
Se Gavains veut que je n'i aille
Tox jors demoure la bataille.“
Sin a li vasles joie grant.
,,Amis, font il, va ore avant
Et nous te sivrons dusque là.“
Et cil en une sente entra,

211

212

Si a tant par le bos alé,
Qu'il est en une lande entré
Qui moult estoit et grande et bele.
Lors descendi la damoisele
Escanors sor l'onbre des carmes,
Puis estraint entor soi ses armes;
Et Gavains est aparilliés.

Lors est l'uns vers l'autre eslais-
ciés, 213

Et se sont si entreferus
Que des espix croisent les fus,
Et qu'il volerent en troncons,
Ainc ne se murent des arcons.
Quant Gavains ot sa lance fraite,
Vistement a lespée traite.
Sel vait iriement requerre.
,,Gavains, dist il, ens en ma terre
N'est pas coustume ne usage,
S'uns chevaliers par son outrage 214
A vers l'autre bataille prise,
Ja n'i ara en nule guise
Espée traite de si là,
Que li uns d'ex keus sera.
Ains s'entressaient au jouster,
Et font des lances aporter,

215

Et jostent tant quoi qu'il lor griet,
Que li uns d'ex à terre ciet.
Ce dient cil de Normendie,
Que si bele chevalerie
N'a el siecle que de jouster.
Faisons des lances aporter,
S'ert plus bele nostre bataille.
Prions cest vallet qu'il i aille,
Ki a ronci fort et isnel,
Vistement arriere au castel,
Si nous aport .I. fais de lances."
,,Amis, font il, cor, nous avances